كلام ساي

أحبائي ... بعد غيبة أطل عليكم بهذه القفشة الفرايحية أتمنى أن تنال رضاكم وتزرع البهجه في صدوركم ودمتم بخير............أبووووووووووووووووووووالحسرة
الفنان أبو عركي دائما يقول ........بخااااااااااااااف
ياخي بطل خوف وخليك رجال
زيدان إبراهيم يقول .............. عدة وراحت كم سنة
ربنا يعوض علينا وعليك
خوجلي عثمان بيقول ........... ما بنختلف
ياربي وين وقعوا الإتفاق وين ... في نيفاشا ولا أبوجا
واحد تاني ما عارف اسمو بقول
أوع طول البعاد .. إنت عارف شوقي كم
والله لوكان من شلة غبيرة حا ينتظر كتير
عبدالرحمن عبدالله بقول ... تعال نتمشى في الغيمة
طيب لو صبت المطرة!!!!!!!!
الكابلي ... بقول الدود النتر العشا المارفعين خوف
قطعت رزق الطقاقات ياخي
ودالأمين بقول........... داير أزور أبوي ودمدني
ياربي بالتبني .... طب روح ياخي هي عايزة تأشيرة
حمد الريح بقول ... والله يا طير الرهو
والله أغانيك الكلها طير دى .... الواحد بفد حجر أطيرها كلها
ودالبنا بقول .... كنا داخل روضة مايش حد سوانا
حرامية بس ما ليها تفسير تاني
نور الجيلاني ... فيفيان يا حبابي جنوبية
طيب يعني حا تكون لبنانية .. ما هي سودا مثل الفحم
الأمين عبدالغفار بقول ......... مع المنجل مع الجدول
والله شكلك كدة حواشتك بور وعايز ليك نفير
البعيو بقول ..... أقيف يا سايق أقيف إستنى
شكلو كدة كمساري
البلابل .... عشة صغيرة
والله جنس كطب ... الواحدة من ما إجي وقت الجد تقول بري والله عايزة شقة وشوف المقدمات والمؤخرات وهلمو جرا وهلمو فرا
ندى القلعة .... إسلم لي عوض الليلة ومن الله العوض الليلة
قطع الراتب ولا شنو
الحقيبة .... الله هوي ياليلة وليلة هوي يا ليل
والله العظيم..إنتو حكاية .. توصوفوا الحرمة كلها خصرها وشعرها ونهودها وما تخلو شي .. بس أول ماتجو في المنطقة الخطرة تقعدوا تكوركو ياليلى وياليلى
وإنشاء الله نلتقي في حلقة أخرى من شبكتونا وشبكناكم... التي أتمني أن تنال رضاكم
منقول.